L
Home Historie Bestuur Nuits Prinse Callepin Leedsjes Foto's Herremeniekes Vastelaovend Tempeleers
In de vieftiger jaore woort door   'e stèl vrun geklasjeneerd euver wie de vastelaovend mèt de klup noe weer  gevierd zouw weure. In `ne kaffee aon ’t Vriethof   lanseerde eine ’t idee um good verkleijd en mèt meziek in d’n optoch mèt oet te trekke. Deen eine waors John Hoenen. Met `nen aandere vrund dee good op ’ne kis koos howwe fungeerde zie es trekpeerd vaan de gróp. En gaw voogde ziech nog ‘nen aandere belachelikke tiep, dee op 'e paar instreminte   veuroet kós, aon ’t gezèlsjap vrun touw. En zoe trok mèt de Vastelaovend al in 1958 `ne tróp in d’n optoch, dee miejer leve maakde daan ’nen   eçhte Hermenie en ouch miejer draank nudig had. Veurop leep 'e meidske mèt ‘ne zèllef gemaakde keerbeurstel. Mèt daoraon ophaangend ‘ne dweil..... De Zaate Herremenie 1959 Opgeriech 11-11-1959.
En zoe ging de Bénde, al träötend en howwend kaffee in kaffee oet, wat flink leve in de brouwerij broch.De naom kaom,es gewoenlik, vaan ’t Vollek vaan Mestreech. ’t Gezèlsjap mèt ‘ne dweil aon ‘ne stèk of e sjèld veurop en miestal ’n kouts mèt beer demiddenin woort hiel populèr bij de lui. De volleksmoond zag al gaw; dao kump ’t Zaat Hermenieke. Dee naom vaan ’t Zaat Hermenieke woort daan ouch in 1959 aongenome. En zoe ging ’t neet allein aon de gèng ’t bleef aon de gèng. Nao ’t sjèld kaom ‘ne drappo veurop. Väöraon in de zestiger jaore woort dee al mèt gedrage. Later neumde men ziech   “De Zaate Herremenie”1959 umtot John Hoenen mèt 't leedsje vaan dezelfde teks 't leedsjes concours in Mestreech had gewonne., De Zaate Herremenie, De Zaate Herremenie! die trek altied mèr wijer ouch al kin dat gaar neet mie! Dat zoong gans Mestreech in 1972. De jury vaan de Tempeleers had dat leedsje bekroend op de wèdstrijd veur ’t bèste Vastelaovendsleedsje vaan Mestreech. John Hoenen waors de tèkst en mezieksjrijver en heer had de Schlager es zjubeleijkado opgedrage aon De Zaate Herremenie1959. Oonaofsjèjelik verboonde aon ’t fenomeen vaan de Mestreechter Straotvastelaovend zal ’t versjijnsel De Zaate Herremenie 1959, same met de aandere hoonderd èllef Zaate Herremeniekes, ziech in de touwkoms blieve inzètte veur ’t welslage vaan de Mestreechter   Vastelaovend en wiet daoboete !!
t Zaat Herremenieke  1970
Historie
Vrow Versjevee 1992
Toon Hermans mèt de Zaate Herremenie 1962
‘t Ierste Zaate Herremeniekes kongkour 1973
‘t Zaat Hermenieke 1964
Snie karnaval 1969
In de fiefteger jaore,waor Vastelaovends Dinsdaghaos verlore veur Mestreech.  Väöl lui móste wèrreke,de winkels bleve opeein maskes,gein verkleiders de straote waore zoe good es leeg ! Gelökkig kaom in 1959 get nuits in ziech,door John Hoene en ‘ne gróp muzikante woort den ierste “Zaate Herremenie” opgeriech. En die brach nui leve in de brouwerij de lui trokke weer same oet in compenij !  Verkleiders in pekskes,deks harstikke sjiek in sjitterende kleure,’t waor magnifiek. De Straotcarneval dee waor herbore en is e grandioos succes gewore ! In 1972 woont John met ’t leedsje “De Zaate Herremenie “en toen heelde de lui ‘t gaar neet mie ! De gekste instruminte kaome op de proppe joonk en aaijt waor neet mie te stoppe !  Door e paar Tempeleers o.a. Raymond en Math,woort in 1973 e Zaat Herremeniekes kongkoer op pu gezat Amper 5 mizzerabel Herremeniekes trokke bubbelentere ’t Vriethof op, veur ziech aon de sjurie te prizzentere !  Meh jewel ’t Jaor trop,toen waor ’t gebakke,Mestreech kraog in ins de slaag good te pakke !  Herremeniekes,Famfaarkes met kostelikke naome,Orkeste,Kapelle,en Drumbands,’t waor of ze de hiemel oet kaome. Ze haowde op trommelkes,blaosde op toete,hei en dao ‘ne Hollender, of eine vaan boete ! Ze späölde neet sjoen,meh met väöl ambitie,en eus stad had alweer ’n sjoen nui traditie !  Belszje Zjenderreme móste koume assistere,want es ’t veur de pries geit….daan foetelt me gere ! Eine kump te vreug, d ’n aandere te laat ,d ’n ierste te neugter,de leste te zaat !  Meh de zjurie….ouch neet al te zuuver op de graot,is nao e paar drenkskes,gans oet de maot ! Daabij vraog me ziech aof….zien die nog good wies ?met hoonderd en ellef punte,krijg eederein pries !   Al goon de muzikante totaal door ’t lint,’t is en blijf toch puur ammuzemint.Mestreech is in häör illemint !  Leef lui,Vastelaovend blijf iewig bestoon,es eederein zoe lang es ’t geit welt doorgoon Met väöl meziek,lol en plezeer,Op eur eige respectabel Mestreechter Meneer !
De Zaate Herremenie 1959. 2008
Ierste Oorkonde Zaate Herremeniekes kongkour 1973
‘t Winnend Leedsje De Zaate Hermenie 1972.
Oorkonde Zaate Hermeniekes Kongkoer
De Zaate Herremenie 1959
Vrow Versjevee Golfoorlog 1991.
An Baltussen Vastelaovendsvierder  2002.
De Zaate Herremenie 1959 Opgeriech 11-11-1959.
Historie