L
Home Historie Bestuur Nuits Prinse Callepin Leedsjes Foto's Herremeniekes Vastelaovend Tempeleers
Vastelaovend 2020.                                                                           2014 Op 26 Jannewarie 2020 weurt de nuie Stadsprins vaan Mestreech oetgerope op de Merret. Zaate Herremeniekes zien al weke aon 't rippetere .De pèkskes weure veurziechteg weer vaan de zolder en oet de kis gehaold, of me geit nao de Merret um nui stof te koupe, veur weer 'n nui creatie. 't Aoftèlle is begónne.......
Nuits
Mestreechs Vastelaovendsleedsje 2020
Vastelaovend 2020   23-24-25 Fibberwarie.
Foto De Limburger.
Elfde vaan de Elfde Maondag 11 November 2019 in ‘t Mecc Mestreech. Aonvaank 11 menute nao elf !!!  Mèt artieste zoe wie Beppi Kraft, Spik & Span, De Toddezèk, Frans Theunisz, Ummer d’r Naever enz. En netuurlek de oetreiking vaan “De Sjeng”
Elfde vaan de Elfde
Höb geer ‘n trompöt, Bombardon, Sjuiftrompöt, Saxofoon, Klaters  of gèt aanders wat meziek maak,en geer wèlt ‘ne kier mèt goon ? Dat kin, gein probleem !! Loert op uzze Callepin wienie veer oettrekke, en kom daan nao Hallo Mestreeg. Vraog nao uzze Directeur Huub en ‘t kump good !!        of mail nao; dezaateherremenie1959@outlook.com
Muzikante Gevraog !!
Foto.Laurens Bouvrie 1Maastricht
Winners 2020.  de Zès Köp.
Zaoterdagaovend 9 November weurt ‘t nui Vastelaovendsleedsje vaan 2020 gekoze door ‘t volk vaan Mestreech in de nui zaol vaan de Meziekgieterij. De zjurie heet oet 26 inzendinge de volgende zeve leedsjes oetgekoze. 1.Verleef op Mestreech vaan Ron Nieste en Patrick Ummels. 2.Op de sjouwers vaan miene peer vaan Bert Garnier en Patrick Keerssemeeckers. 3.Viere, Viere, Viere  vaan Bart Storcken en Roger Haane. 4.Lewieke vaan Thei Dols en Blanco Besselink. 5.Hiemelse Klaanke  vaan Bert Garnier en Patrick Keerssemeeckers. 6.De Störm  vaan Dennis Soulier en Patrick Ummels. 7.Iech bin `n flaneerhin vaan Gabe Krüse en Nico Heutz. Op zaoterdag aovend 9 november vaanaof 20.11 oor weurt in De Meziekgieterij ‘t nui Mestreechter Vastelaovends leedsje gekoze.
Mestreechs Vastelaovendsleedsje 2020 9 November 2019.
Echt organiseert de 44ste finale vaan ’t Limburgs Vastelaovesleedjes Konkoer 2020. Vastelaovendsvereiniging ‘De Aester’ zal in samenwèrking mèt de gemeinte Echt-Susteren, de stiechting LVK en L1-Radio & -TV, de 44ste finale organiseren. Op het terrein neve de Brandweerkazerne, gelege aon Leisurepark ‘In de Bandert’, zal op vriedagaovond 7 fibberwarie speciaal veur dees finale ‘n paviljoen gebouwd weure op ‘t ‘smalste stökske Nederland’. Dat ‘smalste stökske Nederland’, zoewie de gemeinte Echt-Susteren ouch wel weurt genump, lieverde de afgeloupe jaore al ‘nen aontal vaan kampioene wie drejvoudig LVK-winner Spik & Span (2015, 2016 en 2018), buutekampioen Bas van Neer (2019), jeugd-buutekampioen Isa Meuwissen (2018). De finale vaan dees 44ste editie vint plaots op vriedag 7 fibberwarie 2020 en weurt live oetgezonde op L1-Radio en -TV. ’t LVK-sezoen start traditiegetrouw op 11 november. Vaanaof deen datum kinne neuj liedjes weurde ingesjik. De insjikkings-termijn sleet op 5 december, boenao de vakjury ziech euver de inzendinge zal buige. De 60 leedjes die zien doorgedronge tot de drei halve finales weure maondag 16 december bekindgemaak.
LVK 2020 De Aester Echt-Susteren.
Stadscarnevalsvereineging de Tempeleers opent ‘t Vastelaovendssezoen op zoondag 17 november in de Rebelle aon de Kesselskade mèt ‘n ech Mestreechs fieske. Oonder de neumer ‘Start vaan ’t vijfde sezoen’ is in de veurmaolegen ‘Awwe Stiene’ e fies veur joonk en aajd.
Artieste, quiz, trökblik en Vastelaovendsvierder(s) 2019 Beppie Kraft, Duo X-elle, Ziesjoem, Marvin Rosier, de winners vaan ‘t Mestreechs Vastelaovendleedsje, Zate Hermenie De Batjakkers en netuurlek ‘t Garderizzjemint De Kachelpiepers. De Tempeleers höbbe gekoze veur ‘ne gevarieerde middag boe ’ne ganse struip aon Mestreechse artieste en gezèlschappe optrejt. “Ouch loere v’r nog ‘ns trök op Vastelaovend 2019, weure aajd-stadsprins Armand en zien prinses Kim nog ‘ns in ‘t zönneke gezat en weurt veuroetgeloerd nao carneval 2020.Um de kennis van de Vastelaovendsvierders te teste (of op peil te kriege) is ‘ne Vastelaovendsquiz. Ein vaan de hoegdepunte vaan de middag is ‘t bekindmake vaan de ‘Vastelaovendsvierder(s)’ vaan ‘t jaor 2019. Ouch weurt e speciaol heukske ingeriech boe kinder kinne speule en ziech laote kinne laote schminke”, zeet Wijnhoven.De presentatie vaan de middag is in han vaan sirremoniemeister Remy Rousseau.De ‘Start vaan ‘t vijfde sezoen’ is op zoondag 17 november.De zaol geit ope um 14.11 oor en ‘t program start um 15.11 oor en doort tot 18.30 oor. D’n touwgaank is gratis.
Stadscarnevalsvereineging de Tempeleers opent ‘t Vastelaovendssezoen.
Och wat is ’t hei toch fijn mèt z’n alle hei bijein Mestreech … iech bin verleef Mèt z’n alle d'r op oet in dee groete rijaloet Mestreech …boe iech um geef Huur iech de hermeniekes speule: krijg iech ’t in de kop Krijg iech euveral sjevraoje, kin niks aanders tegenop! Iech veul miech zoe gelökkeg, bin blij tot iech hei leef Mestreech … iech bin verleef! Couplèt: Eus stad zit vol tradities, dao is altied get te doen Meh ’t sjoenste vaan dit alles: ”Vastelaovend spant de kroen” Daan zien veer neet te hawwe, trèkke vaan bal nao bal Zoe goon veer daan op weeg nao de Mestreechter carneval Dee vastelaovend is zoe sjoen … Iech bin zoe gruuts tot iech hei woen!! Ron Nieste en Patrick Ummels
De winners 2020 De Zès Köp.  Foto.Tempeleers.
VERLEEF OP MESTREECH Vastelaovends-Leedsje 2020.
Prins Armand 1e
Plezeer oonderling én saame plezeer maake veur aandere, door lekker Vastelaovends meziek te speule ... Mel uuch daan noe aon......
Themakäös ‘t Hermenieke Mèt ‘t thema en de medaajekäös wèlle de Tempeleers aondach vraoge veur alle Zate Hermeniekes die de stad heet. Odin Wijnhoven vaan de Tempeleers: ”Mestreech kint ‘n lang traditie mèt- en is de veurlöper vaan de Zate Hermeniekes in Limburg. De lètste jaore merke v’r spieteggenóg tot de Zate Hermenie in de verdrökking kump door al die geluidsboxe aon carnevalskare en aon de horecagievels. Heidoor kinne de hermeniekes hunne meziek minder good speule. Daodoor zien v’r ‘t aontal hermeniekes aofnumme. Door d’n aondach op de Zate Hermeniekes te lègke, hope v’r tot dao begrip oontsteit tösse alle carnevaliste en tot me de meziek eve zachter zèt of eve oetzèt es dao ‘n zate hermenie aonkump”. De Tempeleers perbere zelf ouch ‘t good veurbeeld te geve en geve hermeniekes tijdens ‘t Zate Hermeniekes Konkours (carnevalsdinsdag) letterlek en figuurlek e podium (mie podia zelfs op versjèllende lokaties)
Medaajekäös
(Teks Tempeleers.)
.
1.Ein Manier.Manon en Bart.Baarlo. 2.Alaafverslaaf. De Batjakkers. Egchel. 3.Ut allerbeste liedje. A.P.E. Egchel. 4.Wacht neet opp later. Prins en Aod Prinse Graashook. 5.Achter dea glimlach. Björn van Berkel. Grubbenvorst. 6.De Zwamböks. De Toddezèk. Grubbenvorst. 7.Det eine moment. Ken & Robbie Grubbenvorst. 8.Niks is te vuul. Luc en Eef. Grubbenvorst. 9.Duit Ali ‘t expres? Alaaf Airlines. Helden. 10.Laot ‘t los. Frank en de Sterren. Horst. 11.Joonk geliërd.Joonk Geliërd. Horst. 12.Noeits genog. Pim en Chantal.Kessel. 13.Ik benut kwitj.De Bubs.Meijel. 14.Gooije Gronk, De Breurkes (Panningen) 15. 't Is rot, maar ich mot..., Deh! (Reuver) 16. Dans minse dans, Christel en Quinn (Venlo) 17. Kom nao boéte, Noeëts Allein (Venlo) 18. Brèk De Nácht, Bjorn & Mieke (Venray) 19. Vlinders, Maik en Kyra (Venray) 20. Wieëten 't zeker, GoedZat (Veulen) 21. Urst látter, Pruuf Mar (Ysselsteyn)
Noord-Limburg.
Midden-Limburg. 1. De Proostende Provincie, Hoondervel (Haelen) 2. Wae wiste ’t van te väöre! Eine Pot Zaat (Heel) 3. Dèt kin hèller, Patrick Roger (Herkenbosch) 4. Ich bön eine vastelaovesgek, La Bamba (Montfort) 5. Laotj ut los, DZN (Duo Zonder Naam) (Nederweert) 6. De lètste hoije, 't Graotekoeër (Neer) 7. I love alaaf, Rianne en Mirte (Neer) 8. Vastelaoves Superhelde! Marc en Erwin (Sint Odiliënberg) 9. Gelöksmoment, 2 Òngerein (Stramproy) 10. Tösse gister en mörge, Men in Pek (Stramproy) 11. Vrunj tot de allerleste runj, Spik en Span (Susteren) 12. Vastemêrge, vastemiddig, vastelaovendj, Ronald en Carien (Weert) 13. Joeksmemênt, Stefan Wolter (Weert) 14. Soonger os gieët 't neet doeër, Stefan Wolter (Weert) 15. Det stökske Limburgse gelök, Mark Gruijthuijsen (Weert)
Maastricht/Mergelland 1. Doorgoon! Sjpringlaevend (Gulpen) 2. Veer beuke drin! Fiorenza (Gulpen) 3. Neet zoonder diech! Katja Henz (Maastricht) 4. Veer Zinge Alles! Nick en Patrick (Maastricht) 5. Sjoener es vendaog! Marvin Rosier (Maastricht) 6. Vaste nao de vastelaovend, Sjeigelentaire (Meerssen) 7. De Vastelaoves-Cramignon, Niels en Kay (Oost-Maarland) 8. VastelaovesVirus, Andy en Roy (Valkenburg)
Parkstad 1. Poppekas, Herriemenie Miserabel (Heerlen) 2. Dit is van ós, Paul & Leo (Heerlen) 3. Dae'n hauve haan, De Geliënde (Hulsberg) 4. Ich haot va mich, 45èlf (Landgraaf) 5. Weëd ins wakker, 't Lank Dreudje (Ubachsberg)
Westelijke Mijnstreek 1. Vergaet neet te laeve, Rempetemp & Jan van Cep (Amstenrade) 2. Ich zeuk miene prins, Gwen (Geleen) 3. Noe, Ritchie Bakx (Geleen) 4. Sint Juttemis! Óp Ós (Geleen) 5. Gemummificeerd, Mum en Mummie (Geleen) 6. Ich zèng, ich dans, ich laef! Don Kiesjot (Guttecoven) 7. De Vastelaovesviltjesreage, Kartoesj (Limbricht) 8. Vastelaovesseizoenskaart, De Twiefelaere (Oirsbeek) 9. Woa is nieks? Droetgezat (Puth) 10. Wo is de VAR? Jesse & Jesse (Sittard) 11. Mènnigmaol roup ich Alaaf, René Dirkx (Sittard)
De bekindmaking vaan de 20 finaliste is op 1 fibberwarie op L1 Radio te volge.
De 60 Deilnummers vaan de halve finale  LVK. 2020.
                                                                                                                        Veer goon stempele ! Same mèt stadsprins Armand 1e en 'nen aontal Zaate Herremenieks, heet me 't ein en aander bedach en veranderd, um de Vastelaovends-Dinsdag mèt 't Zaate Herremeniekes kongkoer gèt nui leve in te bloze. Dit jaor steit de Vastelaovend daan ouch in 't teike vaan de Zaate Herremeniekes. Veer beginne deen Dinsdag um 12.00 oor bij 't Zaate Herremenieke monumint oppe Vriethof, gemaak door Hans van Wetering. Dao weurt gèt gebloze en krijg eder Herremenieke 'nen ierste stempel op zien stempelkaart. Ouch weurt daan 'n pries,('ne wisselpries), oetgereik aon 'n Herremenieke vaan verdeenste, dat ziech bezunder heet oondersjeie de aofgelaope jaore. Volgend jaor moot me 't beeldsje weer inlievere en krijg me daan 'ne blievende naobedach vaan Chrit Rousseau. Daonao is 't um 12.33 oor tied veur e petit dizjenee mèt spek en ei op 't Sle Vrouweplein. Es 't buukske vol is höbbe veer tied tot 14.00 oor, umtot veer daan 'ne roondgaank make nao twie vaan de ach buun in de stad, die gelege zien op; 't Sle Vrouweplein,Vissersmaos, Stationstraot, Mariapleinsje, Mèrret, Vriethof, Pieterstraot, en Graonmèrret. Dao kriege veer daan 'n twiede en derde stempel naotot veer op twie buun 15 minute gèt höbbe gespäöld. Um 16.30 oor weure weer alle Herremeniekes verwach oppe Vriethof um dao same 't Mestreechs Volksleed te speule. De Veendels goon nao väöre um 'ne medaalje en oerkonde te oontvaange oet han vaan uzze Hoege Hoeglöstigheid. Bij de Zaate Herremeniekes vergadering op de maondag nao 't oetrope, weurt weer geloot. Nommer èlf maag 't volgend jaor op de vergadering deen aovend in zaol vaan Tapijn muzikaol opluustere, nommer ein krijg e petit dizjenee aongeboje en nommer 13 maak same mèt Ziene Hoege Hoeglöstigheid 'ne roondgaank door de straote vaan Mestreech.
 Vastelaovend-Dinsdag   
In ’ne bomvolle fiestent in Echt waor op vriedag vrijdag 7 fibberwarie ‘t 44e LVK.De winners Spik en Span kraoge in totaal 77 punte, twelf miejer daan nommer twie Bjorn en Mieke. De grop oet Venray waor wel de favoriet bij ‘t stummend pebliek. In de SMS-runde kraog het nommer Brèk de Nácht de mieste punte, gevolg door Spik en Span. Niek Dirkx en Jo Huijnen sjreve ouch dit jaor weer same mèt Jos Wackers ‘t leedsje.
Spic en Span. Vrunj tot de allerleste runj !
LVK 2020
't Samespeul vaan Zate Hermeniekes op 't Vriethof op carnevalsdinsdag krijg 'ne wel hiel bezunderen dirizjent. André Rieu heet ziech bereid verklaord de hermeniekes te dirizjere bij 't speule vaan 't ‘Mestreechs Volksleed’ veur stadsprins Luc II, 'n traditie die dit jaor nui leve ingebloze krijg. Meh veurtot heer dat geit doen, geit André Rieu iers good rippetere mèt alle Zate Hermeniekes op 'n leuke carnevalistische meneer. Rieu krijg ouch neet de minste secundante. Gouverneur Theo Bovens en börgemeisterse Annemarie Penn-te Strake, op dat momint euvereges ambteloes börgers en speulende leie vaan respectievelek ‘Sous Bras Band Tête de Veau’ en zate hermenie ‘D'n Dreuvege vaan ’t Pleinsje’, zalle de Mestreechse wereldarties (muzikaol) oondersteune. Oetbelder Odin Wijnhoven: “V'r zien netuurlek oontzettend gruuts tot heer eus hermeniekes geit dirizjere bij dees hernuide traditie. Daomèt krijg de nui invölling vaan 't middagprogram op Vastelaovendsdinsdag 'n mie daan passend slot. En daoneve is 't e groets gebaar nao eus hermeniekes boe v'r allemaol zier daankbaar veur zien.” èt 't samespeul op 't Vriethof weurt “d’n daag vaan 't Zate Hermenieke”, wie carnevalsdinsdag is geduip, aofgeslote. De hermeniekes starte deen daag bij 't mónnumint vaan Han van Wetering op 't Vriethof, boe 't “hermenieke vaan verdeenste” weurt oetgerope. Nao 'n oontbijt trèkke ze langs ach versjèllende podia in de stad. Dees samewèrking tösse Tempeleers, aajd-stadsprins Armand Peereboom, gemeinte en horeca vörmp de nui invölling vaan 't Zate Hermeniekes concours. De gezameleke aofsleting op 't Vriethof is 't slotstök vaan d'n daag. André Rieu liet wete verierd te zien mèt ’t verzeuk: “Hermeniekes hure bij de Mestreechter Vastelaovend, dee zoe gereump weurt vaanwege de bezunder muzikaol invölling. Zelf geneet iech ouch vaan de hermeniekes in mien thoesstad. Dat iech hun noe zoe maag dirizjere, is veur miech bezunder.”  Teks Tempeleers
Zaate Herremeniekes kongkoer 2020.
Hermenieke vaan Verdeenste 2020.
Vastelaovends Dinsdag woort “De Zaate Herremenie 1959”oetgerope tot Hermenieke vaan Verdeenste 2020. De hermeniekes begóste deen daag bij 't mónnumint vaan Han van Wetering op 't Vriethof, boe 't “hermenieke vaan verdeenste” woort oetgerope. Oet han vaan Prins Luc 2e woort aon de Zaate Herremenie 1959 dee pries veur ‘t iers oetgereik. De Zaate Herremenie 1959 heet ziech in die 61 jaor bezunder verdeenstelek gemaak mèt en veur de Mestreechter Vastelaovend. De Zaate Herremenie 1959 is opgeriech in 't jaor 1959 door John Hoenen, dee deen dinsdag-middag gruuts waor op dee sjoene pries, en zien Herremenie ! 't Is den' ierste Zaate Herremenie vaan Mestreech en wiet dao boete. John Hoenen waor toen in 1959 same mèt e paar vrun d'n oprichter vaan De Aw. Nao de oetreiking vertrok De Zaate Herremenie 1959 nao kaffee Hallo Mestreeg boe d’n hospeses Magriet en Luc ‘n heerlek dejeuner klaor hadde gemaak mèt netuurlek spèk en ei ! En d’r woort netuurlek eine dróp gedroonke op dee bezundere pries boe de leije vaan De Aw gruuts op zien.
‘t Zaate Herremeniekes kongkoer 2020 woort beslote mèt e gruuts samespeul vaan alle Zaate Herremenieks oppe Vriethof. Es gasdirigent waor André Rieu dao, dee de herremenieks same ‘t Mestreechs Volkleed perbeerde te laote speule. ! De hiemel sluize woorte opengezat door Slivvenhier, meh De Zaate Herremeniekes waore neet kepot te kriege en gónge door tot 24.00 oor, bij ‘t aoflaote vaan ‘t Mooswief, de besjerm vrouw vaan de Mestreechter Vastelaovend.
Foto’s Tempeleers.
Nuits